“Ocaq Sport Klubu” İctimai Birliyinin İdarə Heyətinin yeni Sədri seçildi

Fevralın 28-də keçirilən “Ocaq Sport Klubu” İctimai Birliyinin Ümumi Yığıncağında İdarə Heyətinin yeni Sədri Məmmədov Rəşid Fərhad oğlu seçilmişdir. R.Məmmədov 11 iyul 1995-ci il tarixində Bakı şəhərində anadan olub.

2012-ci ildə Bakı şəhəri, Nərimanov rayonu 47 nömrəli tam orta məktəbi bitirib. 2012-2016-cı illərdə Azərbaycan Memarlıq və İnşaat Universitetində  təhsil alıb.

Hal-hazırda Rusiyanın Sankt-Peterburq şəhərində, “P.F.Lesqaft adına Milli Dövlət Bədən Tərbiyəsi, İdman və Sağlamlıq Universiteti”ndə magistratura üzrə qiyabi təhsil alır.

2016-2017-ci illərdə “Azərbaycan Gimnastika Federasiyası”nın (AGF) təşkil etdiyi yarışların Yerli Təşkilat Komitəsinə könüllü olaraq qatılıb.

2019-2020-ci illər ərzində AGF-nin idman meneceri vəzifəsində işləmişdir.