Marina Nekrasova Universiadada qızıl medal qazandı

İtaliyanın Neapol şəhərində 30-cu Yay Universiadası keçirilir.

17 idman növünün təmsil olunduğu turnirdə bu gün idman gimnastikası ürzə  final yarışları baş tutub. Qadın idman gimnastımız Marina Nekrasova  dayaqlı tullanma hərəkətlərinə görə 14 xal toplayaraq, qızıl medal qazanıb. Qeyd edək ki, yarışlarda 28 ölkədən 51 idmançı iştirak edib.

Kişilərin yarışında isə gimnastımız İvan Tixonov çoxnövçülükdə mübarizə apararaq, 79.600 xalla 11-ci yerdə qərarlaşıb.

Bir neçə gün sonra isə Universiada çərçivəsində bədii gimnastika üzrə yarışlar start götürəcək. Yarışlarda ölkəmizi Zöhrə Ağamirova təmsil edəcək.