Bədii Gimnastika üzrə “Ocaq Sport” Klubu və Şuşa Gənclər İdman Məktəbinin Birgə Açıq Birinciliyi

01 aprel 2025

18-20 mart tarixlərində Bakı Olimpiya İdman Kompleksində keçirilmiş Bədii Gimnastika

üzrə “Ocaq Sport” Klubu və Şuşa Gənclər İdman Məktəbinin Birgə Açıq Birinciliyi böyük

uğurla başa çatdı.

Turnirdə 9 klubdan 255 gimnast iştirak edərək, öz bacarıqlarını nümayiş etdirdi. Yarış

boyu gərgin və həyəcanlı mübarizə müşahidə olundu. İdmançılar bədii gimnastikanın

incəliklərini göstərərək tamaşaçılara unudulmaz anlar yaşatdılar.

Bu möhtəşəm tədbir gimnastika sevərlərə yüksək səviyyəli çıxışlar təqdim etdi və iştirakçı

klubların gimnastlarının hazırlıq səviyyəsini nümayiş etdirdi. Turnir izləyicilər tərəfindən

böyük maraqla qarşılandı və gimnastika idmanına olan sevgini daha da artırdı.

“Ocaq Sport” Klubu və Şuşa Gənclər İdman Məktəbi gələcəkdə də belə yüksək səviyyəli

yarışlarla gimnastika idmanının inkişafına töhfə verməyə davam edəcək!